2016-жылдын 1-майынан тартып МККнын тескемеси менен, никеге тургандыгы тууралуу күбөлүктү салтанаттуу көчмө тапшырууга карата «Инфоком» МИнин Мобилдүү топтор борборуна (МТБ) ыйгарым укуктар берилген. Бул кызмат көрсөтүү никеге тургандыгын каттоо боюнча сунушталган көчмө акы төлөнүүчү кызматтардын саны боюнча ачык эсепке алууну жүргүзүүгө мүмкүндүк берет.
Алсак, үстүбүздөгү жылдын 2-чейреги ичинде Бишкек жана Ош шаарларында 60 жолу күбөлүктөрдү көчмө тапшыруулар жүргүзүлгөн. Кызмат көрсөтүү убактылуу республиканын эки ири шаарында пилоттук долбоордун алкактарында көрсөтүлүүдө, мындан ары аны республиканын бардык аймактарында иштетүү пландаштырылууда.
Салтанаттуу каттоонун жаңы форматында никени каттоонун жаңы тексти бекитилген, ошондой эле кызматкерлер үчүн тапшырык менен жөнөкөй стилдеги улуттук оюулардын элементтери салынган жаңы форма тиктирилген. Көчмө нике каттоо церемониясын өткөрүүдөгү жаңычылыктар тууралуу оң пикирди иш-чаранын конокторунун бири МТБнын каалоо-тилектер китебине төмөнкүчө калтырган: «Расмий, жөнөкөй жана табити жакшы түрдө».
Бул кызмат көрсөтүүнү сунуштоо көмүскө болгон кирешени көлөкөдөн алып чыга алды, андан республиканын бюджетине салыктык жана социалдык которуулар боюнча бардык тиешелүү төлөмдөр келип түшүүдө.
Бир жолку чыгуунун баасы 5423 сомду түзөт, акы төлөө банктын кассасы аркылуу гана өткөрүлөт. Салтанаттуу никеге тургандыгы тууралуу күбөлүктү тапшырууга карата билдирме никеге туруу тууралуу арыз берип жаткан учурда ЖААКтын каалагандай бөлүмүндө берилет. Бардык кененирээк маалыматты МККнын колл-борборунун 119 номери боюнча алууга болот (алуу байланыштын бардык операторлору үчүн акысыз).
