«Инфоком» МИнин директору Рыскулбек Осмоналиев видеоконференция аркылуу борбордук аппараттын жана аймактык бөлүмдөрдүн кызматкерлерин сыйлоо аземин өткөрдү.
“Санарип Аймак”, “Infodoсs”, “E-kyzmat” маалыматтык тутумдарын Кыргызстандын аймагында ийгиликтүү ишке киргизүүгө кошкон зор салымы үчүн Инфоком МИнин техникалык камсыздоо бөлүмүнүн тренерлери жана адистери сыйланышты.
Рыскулбек Осмоналиев ачылыш сөзүндө 15 гана кызматкер кыска убакыттын ичинде Кыргызстандын дээрлик бардык мамлекеттик органдарында ири жана маанилүү автоматташтырылган тутумдарды ишке киргизүүгө жардам бергендигин белгиледи.
«Буга чейин республиканын 426 мамлекеттик органында «Infodoсs» электрондук документ жүгүртүү тутуму киргизилген. "Санарип аймак" 484 жергиликтүү өз алдынча башкаруу органдарына киргизилди. 1122 мамлекеттик мекемеде "E-kyzmat" персоналды электрондук эсепке алуу тутуму иштеп баштады. Мындай жыйынтык сиздердин жакшы координацияланган ишиңиздердин натыйжасында мүмкүн болду ”, - деп белгиледи директор.
